مهما كان دى بلدى

بسم الله الرحمن الرحيم

أحب إنى أتكلم شوية عن بلدى

اللى حواليها الجدل والحوارات بقت كتير

لدرجة إن فى ناس بتخاف منها ومبتحبش أولادها تنزلها

بس بجد والله

أنا شايفة بلدنا أأمن بلد فى البلدات اللى حوالينا

بطمن طول ما انا فيها

لو جاية من سفر بعيد أتطمن أول ما أقرب منها

أحس إنى خلاص وصلت بيتى

بجد متفتكروش إنى بقول كده علشان أحلى بلدى فى عيونكم

بس بجد دى حقيقة

مع العلم إنى عمرى ما أنكرت وجود مشاغبات وحوادث وخروج عن المألوف

فيها برده

بس الصراحة اللى بيحصل ده مش من كل البلد ولا من جميع أفرادها

لالالالالالا بل من قلة فى العدد وأناس معينين

لكن ده ميمنعش إن البلد أمان وجميلة فعلا

وأى إنسان فيها بيتظلم بيلاقى اللى يقف جنبه

ويساعده ويرد له حقه

حتى لو كان الإنسان ده فى يوم كان متسبب فى مشكلة من مشكلات البلد

ودى حقيقة بتحصل وأولاد بلدى طبعا عارفين ده كويس

بلدنا بلد طيبة ومليانة ناس طيبين

ومحترمين ومتعلمين ومثقفين

ومتدينين إلى درجات عالية من نساء ورجال وشباب وبنات

بلدنا فيها الدكتور والمهندس والمعيد والشيخ والأستاذ

والمحامى والطبيبات والمعيدات والملتزمات دينيا وخلقيا

ومش حاجه غريبة انه يحصل فيها فى يوم من الايام

مشكلة أو حادثة لان سكانها بشر ومنهم ناس أى نعم وبدون إنكار

مش كويسين

بس دا موجود فى أى مكان فى الدنيا

كل مكان وكل جماعة فيهم الإنسان الكويس وغير الكويس

الملتزم المتدين والعايش حياته المدمن

المتعلم والجاهل

الطبيب والمريض

ده مش مبرر إن الناس تكره البلد

وتخاف منها وتذم فيها وفى أهلها

أنا بعرف ناس متخيلة إن بلدنا شبابها كلهم شباب تعبان ومدمن

بالعكس

هما شافوا بلدنا شبابها متعلم وشيك

ومتربى ومحترم ومتدين

وفيهم برده اللى بيكون عكس الصفات دى

بس أنا نفسى بلدنا

متتظلمش بسبب قلة

تشوه شكل البلد كلها

وناسها

طولت عليكم بس اعذرونى كان لازم أوضح ده

السلام عليكم ورحمة الله وبركاته

حــــــــــــــــــــــــفـــــــــــــــــــــصـــــــــــــــــــــــــة

شكرا لكى أختى الفاضله حفصه

موضوع جميل وراقى

أتمنى لكى كل توفيق

وفى إنتظار الجديد منكى

تحياتى لكى

شكرا لكى أختى الفاضله حفصه

موضوع جميل ورائع

انتي كده شوقتيني ازور بلكم

انا كنت وعدت اطلال بزيارة

بس دلوقت ازددت شوقا لزيارة بلدكم الجميل

تقبلي مروري

أخى أطلااااااااااال

نورتنى والله

بس على فكرة أنا كنت عاوزة منك أو من أى عضو من بلدنا

إنه يتكلم ويعلق على كلامى

علشان يأكد لأى حد ممكن يقرا الموضوع سواء من المنتدى أو من برا

كلامى أو حتى يعترض على حاجه أنا قلتها

علشان يبقى فى مصداقية

أنا اتكلمت من وجهة نظرى

إنت كمان ممكن تقول وجهة نظرك

أو الواقع اللى انت شايفة

علشان ميكونش كلامى مجرد رأى

لالالا أنا عاوزة الحقيقة هى اللى الناس تعرفها

وتعرف إن بلدنا مش وحشة قوى كده زى ما الناس متخيلة

بالعكس

أن مستنية تعليقاتك وتعليقات أعضاء المنتدى خاصة

اللى من البلد

لأن الموضوع ده موضوع توضيحى أكتر منه مجرد موضوع

ولان أولاد البلد أكتر ناس عارفينها

ويقدروا يتكلموا عنها وعن مميزاتها وعيوبها

شرفتنى أخى الكريم

وفى انتظارك

أخى العزيز إنسان

أنا مبسوطة والله إنك نورتنى هنا

وهتنورنا فى البلد والله

وإن شاء الله تنزل عندنا قريب

ونقلك حللت أهلا ونزلت سهلا

ونقوم معاك بأحلى واجب إن شاء الله

ويبقى تغيير جو يعجبك بإذن الله

وطبعا أطلال صاحب المهمة الكبرى

وقبل ماتنزل عندنا

أحب أقلك إن بلدنا زى أى بلد يعنى

لاهى الباطنية

ولا هى هوليوود

بلدنا قرية مصرية بسيطة

بدأت تظهر فيها معالم المدنية من حيث الشكل العام

ومهن وأعمال أهلها

لكن من ناحية شكل الناس

فالمدنية طاغية على الشباب

لكن طبعا موجود الناس الكبيرة اللى مبيتغيروش وهما دول

اللى بيدوا للقرية روحها الحلوة واصالتها

زى تيتة ربنا يطولى فى عمرها

ومرة تانية هتشرفنا والله

ويارب البلد تعجبك

وشرفتنى أخى الكريم

حفصه كلامك طبعا مافيش فيه حاجه غلط

بس انا حابه اقول حاجه زى انتى ما قولتى ان كل مكان فبه الكويس وفيه اللى غير كدا بلدنا دى زى الناس ما بتقول فيها ناس مش كويسين طيب انت ياللى بتقول كدا عرفت منين هل اتاذيت من النا س اللى بتقول عليهم مش كويسين ولا مجرد انك سمعت كلام حابب انك تردده وخلاص ليه دايما بنبص لنصف الكبايه الفاضى وبنتجاهل النصف المليان الناس اللى مش كويسين زى مابيتقال اللى له حق هما اللى بيجيبوه له مش بالبلطجه لا بشرع ربنا وانا اكتر واحده عارفه الناس دى وعارفه قد ايه هما ناس طيبين جدا زى اى حد وكرماء جدا ومش بياذوا حد ولا بيغدروا بحد غير اذا حد اذاهم اصل ربنا عرفوه بالعقل ازاى انت ها تكون ماشى فى حالك وماعملتليش حاجه وانا هااذيك الناس دى بجد عملو ا للبلد كتير مش عملوا فيها كتير بلدنا دى اكتر بلد ممكن تحس فيها بالامان والله مش عشان هى بلدى لا بالعكس انا مش عارفه ليه الناس بتخاف منها قوى كدا دى بلد زى اى بلد فى الدنيا ويمكن كمان احسن من اى بلد تانيه كلنا فيها حاجه واحده كلنا بنقف جنب بعضنا كلنا بنساعد بعض يبقى ليه تحكم على حاجه من غير
ماتكون عارفها ليه نفترى على الناس بالبهتان احنا بشر وكلنا بنغلط يبقى ليه نسيب الغلط اللى بنعمله ونمسك فى غلط غيرنا لأ ومش كدا وبس دا احنا بنعلق اخطائنا على شماعة غيرنا كل واحد مش لاقى حاجه يعملها بقول بلشاى ما فيش فى الدنيا غير بلشاى سايبين امريكا واسرائيل وما سكين فى بلشاى يمكن تكون البلد دى من عالم تانى واحنا مش عارفين

حفصه انا عارفه انى طولت بس بجد حاجه تفرس

أنا سعيد جدا بروح الحوار الراقى المتبادل بينكم

وأتمنى أن يتفاعل كل الاعضاء بنفس هذة الطريقه الايجابيه

تحياتى للجميع

أطلال

أمة الله نورتينى وكلامك صحيح

أطلاال فين رأيك ومشاركتك أنا عاوزة رأى بالكامل مش مجرد

إجابة عادية على الموضوع

بامانة شديدة من كتر كلامكو والله انا بحثت وحاولت اني اطلع خريطة كفور بلشاي وقريت عنها كتير وكان فيها احداث سخنة جدا جدا جدا جدا وربنا يستر بس باين عليها بلد هادئة واللي بحصل فيها عبارة عن فرديات مش اكتر وانشاء الله يكون لياا زيارة خاصة ليكو باذن الله
وبعد بحثي الشديد وجد خريطة كاملة توضح شبكة المواصلات في الغربية كلها

ودة لينك الموقع لان الصورة صغيرة ومش واحضة خالص

[b]

حفصه

أنتى طلبتى أكتر من مرة أتكلم بطريقه أوسع

لكن صدقينى أنا بلدى فى نظرى شئ تانى خالص لأنى أعرف كل شبر فيها وأعرف كل أفرادها تقريبا كما يعرفونى

لو قولتيلى إتكلم عن بلدك هحيلك على أجمل ذكرياتى بيها على جلسه العصريه تحت شجرة توت تعودت انا وأصدقائى الجلوس عندها

أو تحت شجرة جميز على النيل

هتكلم على أجمل منظر طبيعى عشقته وحبيته كتيررررر

لحظه غروب الشمس وانا جالس أنا وأصحابى على شاطئ النيل

أو نزولى النيل معاهم بالمركب الصغير بالليل

وعلى أجمل قصائدى التى كتبتها ولاذلت أحتفظ بها

على حبى الاول الذى ولد فى ربوع قريتى والذى مات فيها أيضا

هتكلم عن أصدقائى وعلى رأسهم أحمد شعلان (رحمه الله عليه) دى بلدى فى نظرى ياحفصه

لكن بالنسبه لما أنتى تكلمتى عنه وعايزانى أرد عليه

أقولك

إن كفور بلشاى من أجمل البلدان على مستوى القطر المصرى واهلها من افضل وأرجل الناس

وناس طيبين لكن دة ما يمنعش انى أقول البلد فيها سلبيات ودى طبيعه أى مكان بالدنيا وطبيعه البشر كمان

لان لو ما كان فيها سلبيات كنا غيرنا أسمها وخليناة

المدينه الفاضله

زى ماقال الفارابى

************

تحياتى إليكى أحلى حفصه

وفى إنتظار موضوع أخر شيق منك

تحياتى

أطلال

أمة الله كتب:: حفصه كلامك طبعا مافيش فيه حاجه غلط

بس انا حابه اقول حاجه زى انتى ما قولتى ان كل مكان فبه الكويس وفيه اللى غير كدا بلدنا دى زى الناس ما بتقول فيها ناس مش كويسين طيب انت ياللى بتقول كدا عرفت منين هل اتاذيت من النا س اللى بتقول عليهم مش كويسين ولا مجرد انك سمعت كلام حابب انك تردده وخلاص ليه دايما بنبص لنصف الكبايه الفاضى وبنتجاهل النصف المليان الناس اللى مش كويسين زى مابيتقال اللى له حق هما اللى بيجيبوه له مش بالبلطجه لا بشرع ربنا وانا اكتر واحده عارفه الناس دى وعارفه قد ايه هما ناس طيبين جدا زى اى حد وكرماء جدا ومش بياذوا حد ولا بيغدروا بحد غير اذا حد اذاهم اصل ربنا عرفوه بالعقل ازاى انت ها تكون ماشى فى حالك وماعملتليش حاجه وانا هااذيك الناس دى بجد عملو ا للبلد كتير مش عملوا فيها كتير بلدنا دى اكتر بلد ممكن تحس فيها بالامان والله مش عشان هى بلدى لا بالعكس انا مش عارفه ليه الناس بتخاف منها قوى كدا دى بلد زى اى بلد فى الدنيا ويمكن كمان احسن من اى بلد تانيه كلنا فيها حاجه واحده كلنا بنقف جنب بعضنا كلنا بنساعد بعض يبقى ليه تحكم على حاجه من غير
ماتكون عارفها ليه نفترى على الناس بالبهتان احنا بشر وكلنا بنغلط يبقى ليه نسيب الغلط اللى بنعمله ونمسك فى غلط غيرنا لأ ومش كدا وبس دا احنا بنعلق اخطائنا على شماعة غيرنا كل واحد مش لاقى حاجه يعملها بقول بلشاى ما فيش فى الدنيا غير بلشاى سايبين امريكا واسرائيل وما سكين فى بلشاى يمكن تكون البلد دى من عالم تانى واحنا مش عارفين

حفصه انا عارفه انى طولت بس بجد حاجه تفرس

[center]

اولا أنا أشكر الاخت حفصه على موضوعها الساخن جدا

وأحب أقولك اننا وصلنا لأخر الزمان الزمن الذى تقلب فيه الموازيين

أن الباطل يكون صاحب كلمه وأنه يكون سبب فى رد الحق

بالذمه مش حاجه تضحك

ثانيا أعود للأخت أمه الله

من أسمك المستعار أحس إنك ملتزمه جدا ومن ردك ودفاعك عن مثل هؤلاء الناس أحس إنك واحدة منهم

انا مش عارفه والله هو غباء ولاذكاء

لكن أحب أوضحك لك شئ أختى أمه الله أن الباطل هو باطل ولايمكن أن يكون صاحب حق أبدا ولا يمكن أن يكون سبب فى نصرة حق أبدا

وإن حدث ذلك فلا جذاء ولاثواب من الله لأن الله طيب لايقبل إلا طيبا

وأن أردتى إثبات من القرأن أقول لكى إقرأى أواخر سورة الكهف من أول قوله تعالى (قل هل ننبأكم بالأخسرين أعمالا الذين ضل سيعهم فى الحياة الدنياوهم يحسبون أنهم يحسنون صنعا أولئك الذين كفروا بأيات ربهم ولقائه فحبطت أعمالهم فلا نقيم لهم يوم القيامه وزنا ذلك جزائهم جهنم بما كفروا واتخذوا أياتى ورسلى هزوا) صدق الله العظيم

يبقى إذاى الناس دى أكلها وشربها ولبسها وبيوتهم من حرام ويكونوا على حق أو سبب فى نصرة حق
والله دا كلام فاضى وحاجه للمنظرة والفشخرة الله برئ منها

صح الكلام يا أمه الله ولا أنا غلطانه
وأسفه على الإطاله

على فكرة يا أطلال ردك جميل مثلك
وعلى فكرة كمان أنا أعرفك
إرجع بذاكرتك 18 سنه

###
##########

امة الله احترم فيكي رغبتك وتاكيد علي ان اهل بلدك ناس طيبيين وكرماء كما هو الحال في وطننا العزيز ولكن اكيد ان لكل قاعدة شواز والشواز دوول ممكن يغيرو شكل مجتمع كامل ارجو الا تفهميني خطا ولكن كما يوجد ناس طيبيين يوجد ناس اشرار وهي دي سنة الحياة الصراع الدائم بين الخير والشر.
وللكننا سمعنا وقرانا عن عدة حوادث حدثت وكان نص الخبر كالتالي
إصابة 13فى معركة ببن بين قرية كوم مهنا وكفور بلشاى بسبب أولوية الركوب مع عفش عروسه العريس حضر لنقل الشوار مسلحا بالأسلحة الإلية
والخبر منشور من شهر مايو الفائت وبالتحديد 20 مايو واخبار كثيرة اخري ولكن مااقصدة هنا ان كل بلد لابد ان يكون بها الخير ويتمثل في الناس الطيبيين امثالك والشر ويتمثل في كل من تطالة يد العدالة ليعاقب علي ترويعة للطيبيين امثالك
اما اختي الحب الاول فلي عليها عتاب رقيق لاني احسست في ردها بنبرة سخرية واحب ان اقول اختي الفاضلة نحن نتحدث عما بايدينا واللي في ايدينا الان اهالينا وبيوتنا وحياتنا ولكننا لاننفصل عن العالم الخارجي فارجو منكي ان تقترحي علينا عندما قلتي اننا سايبيين اسرائيل وامريكا فماذا تستطيعي فعلة انتي حتي نسلك ضربك ونتبعك فدعي السياسة للاهل السياسة لاننا لانملك من امرنا شئ
اسف علي الاطالة وتقبلو تحياتي
tmsoo

اخى طارق

زى انت ماقولت واحنا قولنا من قبلك ان كل مكان فيه الكويس وفيه الغير

وطبعا زى ما احنا عارفين ان كلام الجرايد دا لا يمت للحقيقه بصله

وكلامى عن امريكا واسرائيل مش معناه انى رايحه احارب

كل المقصود انى عايزه بس اعرفكم قد ايه الناس متحامله على البلد دى

مع ان فى حاجات اهم مليون مره من اننا نقعد للكلام وبس

أمة الله كتب:: الى الحب الاول

من الواضح من كلامك انك ما تعرفيش اى حاجه عن الناس اللى انتى بتتكلمى عليهم دول

ومن الواضح كمان انك ليكى ذكرى خاصه والا ماكنتيش قولتى الكلام دا

ومن الواضح كمان انك ما تعرفيش اى حاجه عن كلام ربنا وايه انتى حافظاها قولتى اما اكتبها

انتى مابتدخليش جوا كل واحد من الناس دى وتشوفى هو من جواه عامل ازاى

عشان تتكلمى عنهم بالشكل دا وكمان انتى طريقتك فى الكلام

ما فيهاش اى معنى لشخصيه تكاد تكون على قدر ولو بسيط من التعليم

وانا ليا الشرف كل الشرف انى من الناس دى زى ما انتى بتقولى انى باين انى واحده منهم

وبعدين انتى مش خليفة ربنا فى الارض عشان تقولى باطل او مش باطل

انا صحيح منهم لكن مش هانكر ان فى حاجات غلط وانتى بردوا كان ممكن تكونى

منهم فليه ناذى الناس بكلام بذئ كدا المفروض نسيب كل واحد فى حاله

وربنا هو الحكم يغفر لمن يشاء ويعذب من يشاء

على كل حال أنا قرأت ردك

بس لاذم تعرفى إن دوله الظلم ساعه ودوله العدل إلى قيام الساعه

وأمثالكم ظلموا أولادنا بالسموم إل مروجينها بالبلد

وعايزة أقولك شئ إن ربنا مش بينضحك عليه

وعلى فكرة ردك يدل فعلا على البيئه إل أنتى أتربيتى فيها

انتى ممكن تكونى من دورى أو من دور بناتى مش عارفه ومش عايزة أعرف

لكن ياريت تكونى فاهمه أكل الحلال ولو حاف أفضل من 100 مرة من أكل لحوم الناس

وعيشه الحرام من أكل لشرب للبس كله حرام فى حرام

ربنا يتوب عليكم وعلينا

السلام عليكم اختي حفصه

من غير ما تتكلمين عن بلدك كفايه انها ام الدنيا

صح انا ما زرتها بس كل اللي يروحها يشكر في أهلها

يا حلوة في كل بلد الخير والشر ولكن الامان لا نجده في كل مكان

فادعو الله ان يحفظ لكم بلدكم ويحفظ لنا بلدنا بأمان

الحب الاول

انا بشكرك انك قراتى ردى على كل حال والحمد لله ان كلامى اثر

فيكى عشان تردى الرد الجميل دا والحمد لله ان كلامى بيدل على البيئه

اللى انا اتربيت فيها ودا شئ انا اعتز بيه وفعلا ربنا مش بينضحك عليه

انا مش بقولك كدا عشان حاجه انا بس عايزه اوضحلك ان كلامك دا

مش هايسئ ليهم فى حاجه ولا هايغير من الواقع شئ بالعكس

انتى بتقولى كلام زى اى حد مابيقول كلام يعنى كلام وخلاص وانا اكيد من دور

اولادك مش من دورك لان انتى بما انك تعرفى اطلال من 18سنه زى انا ما قرات

يبقى انتى اكبر منى بكتير قوى وعلى فكره انا ما كنتش احب تكون البغضاء دى

بينا واحنا ما نعرفشى بعض وياستى الله يسامحك على كل حال ولو فيه كلام عندك لسه ماخلصشى

انا منتظره وصدقينى والله ما هازعل منك لان الدنيا دى مش مستاهله

وانا مسحت كلامى اللى انا كتبته الرد اللى فات وانتى ممكن

تكتبى اللى انتى عايزاه مدام دا هايريحك وانا عن نفسى ما فيش حاجه جوايا ليكى

ومنى انا صافى يالبن وكنت اتمنى اعرفك فى حاجه احسن من كدا

ومين عارف ممكن نكون اصحاب فى يوم من الايام

مع فرق السن طبعا وكلامى دا عشان ديننا عرفنا اننا اخوه والمفروض ان الاخوات

ما يتعاملوش كدا مع بعض صح ولا

اتمنى اشوف ردك قريب وانا مش عايزه كلامى يغير من وجهة نظرك شئ

اكتبى كل اللى انتى عايزاه وانا هاقراه بصدر رحب يعنى ماتخليش

فى نفسك حاجه حلو الكلام

سلام

أختى الفاضله الحب الاول

أرجو من حضرتك الاطلاع على قوانين الكتابه فى منتدى كفور بلشاى

إكتبى كل ماتشائى وفى أى موضوع تريدى لكن أقول للمرة الثانيه أقرأى قوانين الكتابه فى منتدى كفور بلشاى أولا

تحياتى إليكى

على كل حال حصل خير وأتمنى من الله أن يغير الحال للأحسن والافضل

لانه هو القادر على أن تبدل الاحول للأفضل إن شاء الله

باشاى بلد عامل زى النيل او البحر لما بيجى عليه شيء مش كويس بيبقا باين قوى على السطح بتاعه انما كل خيرها جواها الحاجت الى مش كويسه بس الى طافيه على السطح انما اهلها الى متلااقيش احسن منهم فى خلقهم وتعليمهم وقربهم من ربنا مش ظاهرين فى الصوره لذالك معظم الناس واخده فكره عن بلشاى وحشه من الظاهر الى عايم على السطح بس انما ميعرفوش اى شيء عن مضمونها

من اول ما دخلت المنتدي دا وسالت اطلال اية كفور بلشاي دي وللاسف مش كنت اعرف عنها اي حاجة الا دلوقتي علي قد ما كلامك عجبني كتير علي قد ما اتمنيت اننا نجتمع علب حب واحترام مصر كدا
يارب يجي اليوم اللي ما اشوف حد بيشتم في بلده ولا بيقول ياعم سيبك ادينا عايشين
مشكوووور يا اطلال

» احتفظي بابتسامتك دائماً مهما كانت الظروف