احلى بلد واطيب ناس

بسم الله الرحمن الرحيم

فى الاول احب اقول ان كل بلد بخيرها وشرها بتكون احسن بلد فى عيون الناس اللى عايشين فيها

لانهم بيكونوا اكتر ناس عارفينها باستثناء ناس قليله جدا هما فعلا اللى مش عارفين قيمتها و دا فى كل مكان

مش فى بلدنا بس انتوا عارفين البلد دى انا بشبهها بايه بشبهها بورده جميله وطبعا الورده الجميله دى اكيد النحل مش بيسيبها

فى حالها بلدنا بقى مش عارفه النحل مالوا ومالها وان كان فى بعض الاوقات النحل دا بيكون من جواها

بس نعمل ايه دا حال الدنيا

اكتر بلد تلاقى الناس اللى فيها بيخافوا على بعض هى البلد دى ياعنى لو اى حد وقع فى مشكله بتلاقى كله

يوقف جنبه مش شرط بقى يعرفوه او غيره بلد ناسها بتحب بعض وبتخاف على بعض مش شرط جوه البلد

لا وبراها كمان كلنا بنحب بعض باستثناء ناس بردوا مالهاش لا فى الحب لاهلها ولا لبلدها

دا عشان نكون واضحين ويكون فى صراحه بس اكيد الناس دول بيكونوا قليلين يعنى فئه عايشه لنفسها

ومايهمهاش البلد تولع او غيره ودول بقى ولله الحمد مالهمش لازمه يعنى يتكلموا وماحدش يسمع ولا يهمه

كلامهم لانه بيكون كلام فاضى والله ياجماعه اكتر بلد ممكن تحس فيها بالامان باستثناء حاجات تانيه مش مجال لحديثنا

يعنى انا اقصد ان ممكن تمشى فيها لوحدك لو الفجر حتى ما فيش حد ممكن تتسرق منه حاجه زى البلاد التانيه

والله احلى بلد وناسها اجدع واحسن ناس ناس بتعرف فى الواجب والاصول ويعرفوا يحبوا بعض ويحموا بعض ويقفوا جنب بعض

فيها حاجات جميله جدا يااااااااه لما نتجمع كلنا مع بعض ونتفرج على ماتش كوره

فى الملعب بتاع بلدنا ولا لما نقعد على البحر ولا لما نطلع فوق شجرة التوت وناكل توت

ولما الاولاد اللى فى الشارع يتجمعوا بالليل ويلعبوا استغمايه وكل ولد يجرى يستخبى ورا مامته ولا فى بيت الجيران

والله احلى ايام طفولتى عيشتها فى البلد دى ولما كنت اسيبها واسافر تبقى واحشانى قوى

ولما ارجع افضل الف على اهل الشارع واحد واحد وما ادخلش البيت غير الساعه 2 بالليل

واحسن اصحاب كانوا بردوا من البلد دى كنا كلنا نتجمع مع بعض وناكل ونشرب مع بعض كنا حاجه واحده

ويسلام لو حد زعل واحده فينا تلاقينا كلنا حد واحددايما مع بعض لكن الله يجازى اللى عمل ادبى وعلمى

فى التعليم وعمل تنسيق وكليات كتيره كدا كان زمانا كلنا لسه مع بعض بس الحمد لله على كل حال

ايام جميله وبلد جميله وناس جدعه وارجع واقول مش الكل القليل جدا هما اللى مش عارفينها صح ولا عارفين قيمتها صح

واتمنى ما كنش طولت عليكم بس اعمل ايه اصلى بحب البلد دى والكلام عنها عمره ما يخلص

تحياتى للجميع

الله الله أمه الله على الكلام الحلو

أنتى كدا بتغازلى قريتنا كفور بلشاى

وهى والله تستاهل كل خير لأننا أتربينا فيها وذكرياتنا الجميله كلها كانت فيها

مش كدا وبس لاا دا أجمل الاصدقاء وأوفاهم كانوا من البلد دى

يمكن بنبعد عنها أحيانا لظروف شغل أو دراسه أوسفر لكن بنرجع لها بكل لهفه وحب

أتمنى من الله أن يديم عليها المحبه والامان والرخاء وأن يحفظها من كل مكروة

اللهم أمين

تحياتى إليكى أمه الله

وأرجو أن تتقبلى مرورى

اخى الكريم اطلال

انا بجد بشكرك على مرورك الكريم اللى منورنى دايما

والله فعلا دى احلى بلد

وكلامك جميل جدا واتمنى من اعضاء المنتدى اللى من البلد

هما كمان يساهموا بكتابتهم عشان الناس تعرف

قد ايه بلدنا دى جميله

بشكرك مره تانيه ويسلملى الذوق

كل مكان فيه الحلو والوحش

أتمنى من الله أن يديم الخير على بلدنا

وأن يحفظها من كل سؤ

لأنها بجد ما تستاهل حاجات كتيرة وحشه بتحصل لها

ولأننا بنرتبط بيها إرتباط الشجر بالارض

شكرا لكى أمه الله

والسلام عليكم

الحب الاول

وعليكم السلام ورحمة الله وبركاته

الحب الاول شكرا ليكى على الرد دا

واتمنى اشوفك مشاركاتك فى مواضيع تانيه

بارك الله فيك

اي انسان يا اختي مهما بعد

يشتاق كثير لبلدتو الي عاش فيها وتربا فيها واكييد له ذكريات كثير فيها

انا كثير بحب المكان الي عشت فيها اجمل ايام طفولتي

عرفا.. وانا زيك كل ما ارجع هناك ..افضل الف والف في كل مكان كنت العب فيه انا ورفقاتي

وانتي عرفا كمان ان اي مدينة بصير فيها بنيات كثيرة جديدة ..بس انا ديما بحن للمدينة القديمة ..البيوت تبع زمان ..الحمد لله لسا
موجودة.. اهلها رمموها بس لسا هي هي

بشكرك على الموضوع الجميل دا.. فعلا كل واحد فينا الا وله مدينة زي الوردة بس وردة من نوع ثاني عطرها يظل معاك العمر كلو

اتمنى اعرف الكثير عن بلدتكم ويا ريت لو انتي او اطلال يجمع لنا صور

عشان نشوف جمال البلده دي
اما عن طيبة ناسها الامثلة موجود عندنا انتي وحفصة... واطيب شخص اتعرفت عليه اخي وصديقي العزيز اطلال

تقبلي تحياتي ومروري

الثريا

ثريتى الغاليه كلامك بجد فرحنى جدا

شكرا ليكى على مشاركتك الجميله

وان شاء الله نجيبلك صور عن احلى بلد فى نظرى

يسلموا

شكرا ليكى الثريا على كلامك الجميل الحلو إل أسعدنى والله كتير

وإن شاء الله سوف أقوم بتصوير أماكن فى البلد وأنزلها فى المنتدى

مش صور وبس لااا إن شاء الله هيكون فيديو كمان

لأن منتدانا والحمد لله يعتبر المصدر الوحيد الأن على جوجل للمعلومات عن بلدنا

فأنا أتمنى من كل أعضاء البلد المشاركين فى المنتدى أن ينزلوا صور وفيديو للبلد

شكرا ليكى الثريا

شكرا ليكى أمه الله على الطرح الجميل

في حد من اعز صحابي من كتر اللي حصل بعد ماتش الجزاير كتب علي الاواي
لو لم اكن مصريا لارتحت نفسياااا
بصراحة مش قدرت اعلق علي كلامه بس للاسف دا شاب من ضمن شباب مصر الهش ويارب ما نوصل للحاله دل وتغضل بلدنا الاول والاخر ونتاكد ان السياسية اشخاص مش ارض احنا عايشين عليها

» احلى حب فى احلى ايام
» احلى حب ورومانسية
» احلى ايام
» اختار احلى نيمـ بالمنتدى عند رقم خمسة .