يوميات توم وجيري

السلام عليكم ورحمة الله وبركاته

اخواتى واخوانى انا عندى فكره طبت على فجأه وحبيت

انى اكتب فيها ويا ريت تشركونى فيها انتم كمان ويا رب تعجبكم
أنا ها اكتب باللغه العاميه المصريه لو فيه مشكله ممكن تقوليلى
أنا ها أبتدى بيوميات توم وجيرى الزوج والزوجه

تومه اند جيرى فى الصباح بيصحو ازاى

( فى الاحياء الشعبيه)

قوم ، أصحى ،..................يا راجل قوم ها تتأخر على الشغل

انت يا منيل قوم بقه

يا فتاح يا عليم يا رزاق يا كريم، فى ايه بس يا وليه اصطبحى وقيلى يا صبح

قلنا يا خويا (يا صبح) يلا علشان تلحق اكل عيشك

طيب يا ختى العيال فطرت

ايوه من بدرى

(فى الاحياء الهاى)

بيبى قوم ، قوم يا بيبى

يا بيبى قوم يا دوب نلحق درس الايروبكس

اوووووووووووووووووووووو سبينى شو يه بليز

انت بتقولى اووووووووووووووووووبتشخط فى وحياة دادى لاروح لمامى

اوك روحى أنا بقه موش عايز اشوفك السيزون ده كله اوك.

(اتنين مثقفين)

قوم ايها الراقد تحت السرير ، سورى أقصد فوق السرير

صباحك سكر سيدتى

لقد وضعت لك ملعقه سكر واحده فى الشاى

هل احضرتى الاهرام

كيف احضرها انها فى الجيزه ونحن فى مصر الجديدة

أقصد جريده الاهرام

لا لقد احضرت الاخبار

شكراً...............عفواً

(اتنين ريقين)

يلا يا حبيبتى أصحى أنا حضرت لك الفطار

صباح الورد والفل والعنبر يا حبيبى

انت موش خارج انهارده

اخرج واسيبك يا توتى ، بوتى ، فروتى أنتى يا قطه

لا يا كلمنتارو يا روحى لازم تروح مواعيدك

اوك مع انك ها توحشينى.

» يوميات فتاه
» يوميات زوج مديره
» الجزء التاني من يوميات زوج >>>>>>>>>> سعيد