ظل راجل ولا ظل حيطه >>>>>اعترافات رجل لول لووووووووووول

[size=21]

معلشي يارجاله انا لست من نصير النساء لكن الموضوع عجبني ونقلته هنا لانو طريف كمان ما قدرت انتظر مرور ال 48 ساعه علشان انزل هادا الموضوع بمكانه المناسب أو بالترفيهي وحسيت بصراحه انو هنا مناسب

هانشن حرب صغنونه كده عليكم استحملونا بقى

من مناقشات الحريم في اجتماع
وقفت الست بهيه على منصه عاليه وبدات تخطب قائله**
قال بيقولوا ضل راجل ولا ضل حيطه .... ياختي بلا وكسه!
* بذمتك عمرك سمعتي عن حيطه تقعد تشخر طوول الليل وماتخلكيشي تعرفي تنامي؟؟
* ولا حيطه تدخل من باب البيت وتقعد تشخط عايزه الغداء,وبعدين تطين عشتك علشان الملح طلع زايد في الباميه؟؟
*ولا ممكن ترجعي البيت في يوم تلاقي حيطه بتبوس الشغاله؟؟
*طيب شفتي حيطه تملا لك سقف البيت دخان, وارضيته سبارس؟؟
*ولا حيطه تقعد تتنك عليكي وتقولك انتي رايحه فين وجايه منين؟؟
*ولا حيطه تدوخك وراها علشان تعرفي هيه كانت بتكلم مين في التليفون
بعد نص الليل ....بلا وكسه؟؟
* طيب دي الحيطه معروف مكانها دايما , انما المحروس يدوخك وراه علشان تعرفي هو سهران في انهي داهيه.. قال ايه عنده شغل .. ياسم؟؟
* بذمتك في حيطه تحاول تطلعك غلطانه في كل كلمه تقوليها علشان تثبت للعيال ان الحيطه بتفهم احسن منك؟؟
*ولا حيطه تلوي بوزها وتقعد بالفلنه لما امك تيجي تزورك, وتطلع معاها تحكي نكت عن الحموات في وجودها؟؟
*ولا حيطه تقعد تقولك ماتخرجيش بالفستان ده احسن ضيق عليكي, ولما تقوليلها هاتي فلوس علشان اشتري فستان غيره, تعمل ودن من طين وودن من عجين؟؟
** ياشيخه بلا قرف, الحيطه اجدع على الاقل مش ها تتحبسي لو فاض بيكي ونفذتي كل حلم الستات , ودقيتي في الحيطه دية مسمار
************************************** صفقت كل النساء بحماس, وهتفوا هتافهم الخالد**
قطيعه تقطع الرجاله وسنينهم.......
ولما خف الهتاف والتصفيق ردت احدى الجالسات بعد مصمصة الشفايف**
بس يابهيه ياختي برضه في شبه كبير,, ساعات كده تحسي ان الحيطه زيه زي الحيطه كده تمام*
لما تطلبي مصروف البيت
*ولما نفسك تخرجي معاه تشمي هوا
* ولما تقوليله روح المدرسه علشان طالبين ولي امر الولد
* ولما واحده جارتك تعصر غسيلها المبلول على غسيلك
اضافت واحده اخرى من الجالسات**
طبعا الراجل زي الحيطه وماعندهوشي عواطف وعمره ماتطلع منه لفته رقيقه, يعني الراجل الحيطه ده, لو جاتله حاله من الرقه هايبقى ايه؟؟ يتحول الى لوح؟؟
ولما تحبي تدلعيه تقوليله يالوح قلبي؟؟؟

يلا ياشباب اكيد انبسطوا ان شاء الله يارب دايما
انا مش بولع الدنيا ولا حاجه!انا بس بهدي النفوس انتوا عارفين بقى
ياجماعه مش عايزين حد يزعل من التاني وكل واحد يقول رأيه في هدوء
والله شكلي هااطرد من المنتدى ههههه

معذره هي علي سبيل الطرفه والفرفشه
اتمني انها اتنال اعجابكم

[/size]

يسلم المرور طلال وعقبال ما تقراء الموضوع Twisted Evil